Məzmuna keç
azadhicab
Ön qeydiyyat
azadhicab
Ön qeydiyyat

Vəziyyət

Sinif qapısı bağlana bilər. Öyrənmək haqqı bağlanmaz.

Azərbaycanda hicablı qızlar və qadınlar məktəblərdən kənarda saxlanılır. Bu səhifədə nə baş verdiyini qısa və aydın izah edirik.

Xronologiya

Nə baş verir?

İki rəsmi qərar və onların sinifdəki nəticəsi.

  1. Qanuna dəyişiklik

    Ümumi təhsil haqqında Qanuna “millilik və dünyəvilik” prinsipləri əlavə edildi.

    Dövlət məktəblərində şagirdlər və təhsil işçiləri üçün geyim tələbi məcburi oldu.

  2. Nazirlər Kabinetinin 309 nömrəli qərarı

    Məktəbli forması və dünyəvilik prinsipi ilə uyğun sayılmayan geyim əşyaları qadağan edildi.

    Praktikada bu qərar hicablı şagirdlərə və müəllimlərə qarşı tətbiq olunur.

  3. Nəticə

    Qapıda qalan hicablı qızlardır.

    • Hicablı qızlar məktəbə buraxılmır.
    • Hicablı müəllimlər işini davam etdirə bilmir.
    • Qızlar dərslərdən və imtahanlardan geri qalır.

Videolar

Sözlə deyil, görüntü ilə

Məktəb qapısında nə baş verdiyini yayımçıların öz kadrlarından izləyin.

Bütün videolar

Bir ata hicablı qızının təhsil hüququ üçün çağırış edir. Görüntüdə Vətən müharibəsində qolunu itirdiyini deyir; mənbə onu Qarabağ qazisi kimi təqdim edir.

Mənbə: Gülən Müsəlman / Mira Haber

Bakıda bir sinifdə şagirdlər hicablı müəllimlərini qucaqlayır. Müəllimin işdən uzaqlaşdırıldığı bildirilir; bu, müstəqil təsdiqlənməyib.

Mənbə: Meydan TV

Balaxanı, 69 nömrəli məktəb: şagirdlər hicablı sinif yoldaşlarına dəstək üçün etiraz edir.

Mənbə: Mira Haber

Mətbuat

Reaksiyalar və mətbuat

Bunlar dərc olunmuş xəbərlərə keçidlərdir. Xülasələr bizimdir; əsli üçün keçidə daxil olun.

Bir xəbər və ya açıqlama bilirsiniz? Bizə göndərin: hello@azadhicab.com

Bir inanc məsələsi

Bu qızlar üçün hicab bir rəmz deyil; inandıqları kitabın açıq əmridir. Onlar məktəb ilə inancları arasında seçim etməyə məcbur edilirlər.

Nur surəsi, 31-ci ayə

وَقُل لِّلْمُؤْمِنَٰتِ يَغْضُضْنَ مِنْ أَبْصَٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَٰنِهِنَّ أَوْ بَنِىٓ إِخْوَٰنِهِنَّ أَوْ بَنِىٓ أَخَوَٰتِهِنَّ أَوْ نِسَآئِهِنَّ أَوْ مَا مَلَكَتْ أَيْمَٰنُهُنَّ أَوِ ٱلتَّٰبِعِينَ غَيْرِ أُو۟لِى ٱلْإِرْبَةِ مِنَ ٱلرِّجَالِ أَوِ ٱلطِّفْلِ ٱلَّذِينَ لَمْ يَظْهَرُوا۟ عَلَىٰ عَوْرَٰتِ ٱلنِّسَآءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوٓا۟ إِلَى ٱللَّهِ جَمِيعًا أَيُّهَ ٱلْمُؤْمِنُونَ لَعَلَّكُمْ تُفْلِحُونَ

Mənası

Mömin qadınlara da de ki, gözlərini haramdan çevirsinlər, ismətlərini qorusunlar. (Üz və əl kimi) görünən qismlər istisna olmaqla zinət (yer)lərini göstərməsinlər. Baş örtülərini yaxalarının üzərinə qədər salsınlar. Zinətlərini ərlərindən, yaxud atalarından, yaxud ərlərinin atalarından, yaxud oğullarından, yaxud ögey oğullarından, yaxud qardaşlarından, yaxud qardaşlarının oğullarından, yaxud bacılarının oğullarından, yaxud müsəlman qadınlardan, yaxud sahib olduqları kölələrdən, yaxud kişiliyini itirmiş xidmətçilərdən, yaxud da hələ qadınların məhrəm yerlərini anlamayan oğlan uşaqlarından başqalarına göstərməsinlər. Gizlədikləri zinətlər bilinsin deyə ayaqlarını yerə vurmasınlar. Ey möminlər, hamınız birlikdə tövbə edin ki, nicat tapasınız!

Məal: Türkiyə Diyanət İşləri Başqanlığı — “Qurani-Kərim və Məalı” (2020), tərcümə: Dr. Kövsər Tağıyev

Heç bir qız uşağı inancı ilə təhsili arasında seçim etməyə məcbur edilməməlidir.

Səsimiz

Qapı bağlananda səs yüksəlir.

Qızların məktəbdən kənarda qalmasına etiraz da, onlara uzanan əl də artıq görünür. Bu divarda həmrəyliyin izlərini toplayırıq.

Həmrəylik

Azərbaycanda bir müəllim hicaba görə dərslərdən geri qalan hər şagirdə ödənişsiz Biologiya və Tarix dərsləri təklif edir. Həmrəylik artıq başlayıb.

Instagram · @huseyn.memmedov_ekspert — Paylaşıma bax

Müstəqil paylaşımdır; Azad Hicab ilə əlaqəsi yoxdur.

Təhsil hər qızın hüququdur.

Azad Hicab

Hicab təhsilə əngəl deyil.

Azad Hicab

Bağlı qapının qarşısında susmuruq.

Azad Hicab

Heç bir qız inancı ilə məktəbi arasında seçim etməməlidir.

Azad Hicab

Bu divar böyüyəcək: yeni fotoşəkil və videolar gəldikcə burada yer alacaq.

Səsini əlavə et.

Prezidentə qadağanın götürülməsini tələb edən bir qeyd yaz, ya da ön qeydiyyatdan keç: dərs de, dərs al.

Prezidentə qeydini yazÖn qeydiyyatdan keç

Bir qapı bağlananda başqası açılır.

Ön qeydiyyat açıqdır. Dövr bağlananda qeydiyyat təlimatını e-poçtla göndərəcəyik.

Dərs almaq istəyirəmDərs demək istəyirəm

Ödənişsiz · Onlayn · Yalnız qadın müəllimlər